Saga sem lifir

Hinn mesti kærleikur. Hvert sem skotmarkið átti að vera, þá lentu deyðandi sprengjurnar á munaðarleysingjahæli, sem rekið var af nokkrum trúboðum í litlu víetnömsku þorpi. Trúboðarnir og tvö barnanna létust samstundis. Nokkur önnur börn voru særð, þar á meðal lítil átta ára telpa. Fyrsta læknishjálp sem kom að voru bandarískur herlæknir og hjúkrunarfræðingur sem komu í jeppa. Meðferðis höfðu þau aðeins neyðartösku og nauðsynleg áhöld til skyndihjálpar.Þau mátu ástand telpunnar á þann veg að hún mundi deyja fljótlega af áfalli og blóðmissi ef hún fengi ekki blóðgjöf hið bráðasta. Snögg athugun leiddi í ljós að hvorugt þeirra hafði réttan blóðflokk en nokkur ómeiddu barnanna komu til greina. Læknirinn talaði svokallaða blendingsvíetnömsku og hjúkrunarkonan ofurlítið af menntskólafrönsku. Í sameiningu reyndu þau ásamt með táknmáli að gera sig skiljanleg um kringumstæðurnar, frammi fyrir dauðskelfdum áheyrendum sínum. Því næst spurðu þau hvort einhver vildi bjóða sig fram til að gefa blóð svo bjarga mætti lífi litlu stúlkunnar. Bón þeirra var svarað með starandi augum og þögn. Eftir nokkur löng augnablik kom upp hikandi lítil hönd, sem hvarf jafnharðan niður aftur en svo upp aftur á ný. “Ó þakka þér,” sagði hjúkrunarkonan á frönsku: “Hvað heitir þú?” “Heng,” svaraði litli drengurinn alvarlegur.Heng var lagður með hraði á börur. Handleggurinn sótthreinsaður með spritti og nál sett upp í æð hans. Í gegnum þetta allt lá Heng stífur og þögull. Eftir skamma stund gaf hann frá sér harmþrungið snökt, en greip strax fyrir andlitið með lausu hendinni til að fela það. “Finnurðu til, Heng?” Spurði læknirinn. Heng hristi höfuðið en eftir örfá augnablik slapp út annað snökt og enn og aftur reyndi hann að fela vanlíðan sína. Einstöku ekkahljóð gaf til kynna stöðugan, hljóðan grát og enn reyni hann að fela grátinn með því að kreista aftur augun og troða hnefanum upp í munninn til að kæfa hljóðið. Er hér var komið sögu kom víetnömsk hjúkrunarkona á vettvang til að hjálpa. Er hún sá baráttu litla drengsins ávarpaði hún hann á víetnömsku, hlustaði á svar hans og svaraði honum svo með róandi röddu.Heng hætti strax að gráta og leit spyrjandi á víetnömsku hjúkrunarkonuna. Er hún kinkaði kolli með sannfæringu, breiddist svipur léttis yfir allt litla andlitið hans.Ameríski hjúkrunarfræðingurinn leit spyrjandi á víetnamskan kollega sinn. Hún skýrði út angist litla drengsins og sagði: “Hann hélt að hann væri að deyja. Hann misskildi ykkur. Hann hélt að þið hefðuð beðið hann að gefa allt blóðið sitt svo litla stúlkan mætti lifa.”“En af hverju var hann fús til að gera slíkt?” spurði herhjúkrunarkonan.Víetnamska hjúkrunarkonan endurtók spurninguna til litla drengsins sem einfaldlega svaraði: “Hún er vinur minn”.

Þýdd frásögn úr mánaðarritinu Activated. Sjá, activated.org

Andleg æfing

Kyrrðarstundir“Treystu heldur Guði sem lætur oss allt ríkulega í té til nautnar”. (1Tímóteusarbréf 6:17)Næst þegar þyrmir yfir þig og þér finnst þú stressaður, finndu þá hljóðlátan stað og taktu þér fimm mínútur í að prófa þetta: Lokaðu augunum og einbeitu hugsunum þínum á kyrrlátan stað. Það getur verið margbrotinn staður eins og ströndin þar sem hlýjar öldur skolast yfir fætur þér og mild golan skrjáfar í pálmatrjánum og hári þínu. Eða eitthvað einfalt eins og að slappa af í uppáhalds stólnum þínum á frídegi. Sjáðu nú fyrir þér að Jesús sé nú með þér, ánægður, afslappaður og fullur tilhlökkunar eftir því að eyða með þér svolitlum tíma. Þegar þú hefur greypt þessa mynd tryggilega í huga þér, reyndu þá að “vera” þarna í nokkrar mínútur. Finndu hvernig líkaminn, hugurinn og andinn slaka á. Þegar þú snýrð aftur til “raunveruleikans” finnst þér þú hvíldur og betur andlega undurbúinn undir hvað það sem dagurinn hefur uppá að bjóða.

Hagnýt viskuorð

Hlýlegt faðmlag er eins og snerting af himni ofan. Vegur til farsældar nr. 1

Tilgangur lífsins er ekki að skapa efnisleg verðmæti heldur að skapa gott líf. Vegur til farsældar nr.2

 

 

Vegur til farsældar-Það sem fólk segir...

"Gott að lesa til að koma sér af stað á morgnanna." 

Vegur til farsældar - hugleiðing dagsins

Guð metur auðmýkt þína. Það gera vinir þínir og vinnufélagar einnig. Vegur til farsældar nr. 2

Gnægð himnaríkis kann ráð við öllum þeim vanda sem þú þarft nokkurn tíma að fást við. Vegur til farsældar nr. 1

Brot úr mínum degi

Margir spurðu eftir Vegi til farsældar, dagatalinu sem skipt hefur stöpum í lífi margra síðustu árin og ekki síst síðustu misserin núna fyrir jólin. Ég átti langt samtal við konu sem hringdi í mig og töluðum við lengi saman og ræddum hugmyndir um andlega lífið, trú og þau vísindalegu gildi sem í henni felast. Sagði hún bókina mjög góða sem margir vildu eiga og geta gefið. 

Snauði og Auði-Bók sem vekur áhuga

Spennandi saga af tveimur sjómönnum sem unnu saman í sátt og samlyndi og deildu með sér aflanum sem þeir fiskuðu á trillunni sinni. Þeir voru báðir fjárhagslegir jafningjar í öllum veraldlegum málum, unnu sameiginlega að settu marki en þegar auðurinn kom til skjalanna breyttust viðhorfin og leiðir þeirra skildu. Veraldarhyggjan náði tökum á öðrum þeirra en hinn beindi huga sínum að öðrum efnum sem höfðu varanlegt gildi. Framhald

Vegur til farsældar

Vegur til farsældar. Hefur að geyma hagnýt viskuorð og spakmæli sem skipt geta sköpum. 

Margir setja von sína á fjárhagslegt öryggi en hvað stoðar það þegar spilaborgin fellur og veraldlegur stöðugleiki verður að engu? Er það ekki náungakærleikurinn, hjálpsemin og samstarfið á milli einstaklinga og hópa sem kemur okkur yfir efsta hjallann í þrengingum það göfuga og guðdómlega. "Kærleikurinn sem aldrei fellur úr gildi." 

 

Vegur til farsældar

Mitt persónulega álit. Um nokkurra ára skeið hafði hópur textahöfunda, hljóðfæraleikara og söngvara unnið vel saman að hinum ýmsu verkefnum. Þau voru frekar sundurleitur hópur sem hafði gengið í gegnum bæði góða tíma og slæma en alltaf hafði þeim tekist að halda hópnum saman. Þannig að þegar sköpunargáfa næstum allra í hópnum náði áður óþekktri lægð þá urðu hjónin sem fóru fyrir hópnum áhyggjufull. Þau voru kristin og reiddu sig mikið á bænina svo að þau fóru að biðja Guð um að sýna þeim hvað hafði farið úrskeiðis og hvernig þau gætu lagað ástandið.Svarið sem þau fengu var stutt og einfalt: “Þið hafið verið að spara kærleikann”. Allir voru orðnir svo uppteknir af starfinu af þau voru hætt að gefa sér tíma til að sýna hvort öðru kærleika og væntumþykju – en það var það sem hafði gert hópinn svo samstilltan í upphafi.Hjónin útskýrðu þetta fyrir hinum í hópnum og saman gerðu þau lista yfir alla litlu hlutina sem þau voru hætt að gera hvert fyrir annað. Í lok fundarins báðu þau saman til Jesú um að Hann mundi hjálpa þeim til að gefa sér tíma til að sýna hvert öðru kærleika. Það leið ekki á löngu áður en hópurinn hafði samið sýna bestu tónlist til þessa. Þau höfðu fundið leyndardóminn að því að vinna náið saman og viðhalda sköpunargáfunni. Hann fólst í hinum daglegu athöfnum sem sýndu góðvild og umhyggju þeirra hvert fyrir öðru.Að sjálfsögðu erum við ekki öll tónlistarfólk en það er varla nokkur sú manneskja á jörðinni sem er ekki hluti af að minnsta kosti einum hópi. Fjölskyldu, í hjónabandi, í viðskiptum, sem starfskraftur, vinnufélagar, íþróttahópur eða vinahópur. “Engin maður er eyland”. Við þörfnumst öll hvers annars og við höfum öll tækifæri til að láta gott af okkur leiða í lífum annarra. Samskipti og kærleikur eru lyklarnir og eins og alltaf vill Guð ekkert nema það besta handa okkur. Þegar þú hjálpar Honum að draga fram það besta í fari annarra þá mun Hann draga fram það besta í þínu fari. Keith Phillips

Dásamleg sannindi um gildi kærleikans í samskiptum, lífi og starfi, því "Guð er kærleikur."

Greinin er upprunalega skrifuð á ensku. Hún er þýdd úr tímariti sem heitir Activated. Blaðið felur í sér margar upplyftandi greinar sem fjalla um mikilvæg lífssannindi, von og kærleika. 

Höfundarlýsing

Guðbjörg Fortune Sigurðardóttir kennari að mennt. Maður hennar Andrew Scott Fortune fæddur í Bretlandi og býr nú á Íslandi. Þau eiga tvo uppkomna syni og fjögur barnabörn. Guðbjörg hefur síðastliðin 35 ár stundað trúboðs-hjálparstörf ásamt manni sínum og starfa þau nú hér á landi við andleg ráðgjafastörf með kærleika Guðs að leiðarljósi. Þú sjá um útgáfu flettibókanna vinsælu sem heita "Vegur til farsældar" ásamt barnabókunum "Þroskandi Sögum." Bækurnar eru þýddar úr ensku með leyfi útgáfufyrirtækisins Aurora. Bækurnar byggja á kenningum Biblíunnar um kærleika Guðs til allra manna og hvernig hagnýta megi trúna í öllum samböndum fólks, lífi og starfi. Þar er fjallað um andleg gild lífsins í þessu lífi og áfram. Heiminn sem við vildum öll geta skyggnst inn í hér og nú en fáum það aðeins eins og Páll postuli ritaði í þessum fræga og góða kafla 1. Kóriktubréfs 13. "Nú sjáum við svo sem í skuggsjá í óljósri mynd en þá augliti til auglitis."

Brot úr lífi mínu

 Ég heiti Guðbjörg Sigurðardóttir og er fædd og uppalin í Hvítárholti í              Hrunamannahreppi, sem er býli staðsett á bökkum Hvítár-Eystri í nágrenni  Flúða í Árnessýslu. 
Ég var mikill hestaunnandi strax í æsku og reið oft  berbakt og beislislaust á vissum hestum, þótt stundum hafi tryppin orðið  fyrir valinu. Ég man sérstaklega eftir einu tilviki, þar sem ungfolinn stakk  sér og henti mér af baki, með þeim afleiðingum að ég brákaðist á öðrum  handleggnum og það tók mig nokkrar vikur að ná fullum bata. 
  Hestamennskan hefur verið mér mikið hugðarefni alla tíð, þótt forlögin hafi  leitt mig í aðrar áttir í áratugi, eða síðan ég var rúmlega tvítug og fram yfir  sextugt. Þótt hestamennskan hafi verið mér kær og mikill innblástur fylgi  því að spretta úr spori á fjörugum og góðum hesti, var það mér ekki nóg.  Hugur minn leitaði oft á önnur mið sem mér fannst ég yrði að uppgötva.
  Mig hefur alltaf langað til að geta hjálpað fólki og verið því innan handar í  lífinu á einhvern hátt, en mig skorti til þess kunnáttu og andlegan styrk.  Ég stóð frammi fyrir tveimur valkostum að halda áfram með mitt hugljúfa  líf í hestamennskunni eða gerast erindreki kærleika Guðs í  kærleikssnauðum heimi viðskipta og efnishyggju.Trúboðsstarfið varð fyrir valinu og allt annað varð að víkja!