Páskagullkorn

Páskarnir eru sannleikurinn sem umbreytir heilagri kirkju Guðs úr safni í ráðuneyti Guðs.-Warren Wiersbe

Hið eina sem getur varpað skugga á heiðskíran páskadagsmorgunn, sem ber vitni um sigur Guðs, er fátæktin sem einkennir trúrækni mína, minningin um stundir kastað á glæ í trúleysi og máttlaus viðbrögð mín við gjafmildi Drottins.-A. E. Whitman

 

Páskagullkorn...

Sýndu ávallt kærleika, þrátt fyrir efasemdir og myrkur, og haltu fast í túna.

Það er ekkert til í heiminum sem kærleikurinn getur ekki sigrað. Við erum mennskir menn en vegna páskahátíðarinnar getur Jesús framkvæmt hið yfirnáttúrulega í gegnum okkur. 

Örvæntið ekki því við höldum páskana hátíðlega og "hallelúja" er okkar söngur.

Mynd dagsins og páskagullkorn...

Svartasta myrkrið skellur á rétt fyrir dögun; dýpsta örvæntingin verður rétt áður en sáluhjálpin berst.

Páskagullkorn

Það er ekki hægt að prédika páskaboðskapinn í þátíð. Hann er boðskapur sem á við í dag og um ókomna tíð. Hann er boðskapur Guðs sem verður að enduróma í hjörtum okkar allt lífið. —Frank D. Getty 

Látum sigurhrópið sem barst okkur á fyrstu páskahátíðinni hljóma í hjörtum okkar á ný! Helvíti skelfur yfir fögnuði okkar, því fagnaðarópið ber þess vott að við erum frjáls. Höfundur óþekktur 

 

Vegur til farsældar! Bók sem vert er að veita athygli!

VEGUR TIL FARSÆLDAR -1

 

 

Vegur til farsældar er óvenjulegt dagatal því í því birtast eingöngu mánaðardagarnir, óháðir ártali. Það inniheldur kjarnmikinn og jákvæðan boðskap sem boðar sterkari tengsl við fjölskylduna, vini og samferðamenn. Þetta er boðskapur sem leiðir hugann að lausn vandamála og kallar fram nánari athugun á sjónarmiðum annarra. Textanum fylgja ljósmyndir úr náttúrunni og hinu daglega lífi.

 

Höfundur: Maria Fontaine

Ritstj.: Guðbjörg Sigurðardóttir

Hestar og heilsa...

Ég hef upp á síðkastið verið að þróa með mér þá hugmynd að endurhæfing á hestbaki geti verið stórkostleg heilsubót fyrir fólk sem þarf að takast á við erfið mál í lífinu. Ég hef sjálf verið að stunda hestamennsku, eftir 30 ára dvöl erlendis þar af 15 ár í Austurlöndum fjær þar sem ég vann við kristileg störf sem ráðgjafi og trúnaðarvinur, en lagði mikla rækt við hestalistina á mínum yngri árum eða þar til rétt fram yfir tvítugt, átti hesta og stundaði hestamennsku af alúð.

Ég er búin að fá aðstöðu til að hrinda hugsjóninni af stað til að byrja með og hef nú þegar ráðfært mig við nokkra sjúkraliða til að heyra þeirra álit á málinu og fór það ekki á milli mála að þörfin var til staðar en allt er hægt ef viljinn er fyrir hendi, samstæður áhugi samfara andlegum skapandi þrótti. 

Hvað segir fólk?

Með kveðju,

Guðbjörg Sigurðardóttir 

 

 

 

Lykill dagsins...

Þakkaðu fyrir einn hlut og þú verður minntur á annan og annan. Hamingjan finnur þig ef þú einblínir á hið jákvæða. Vegur til farsældar nr. 1

Lykill dagsins...

Biðjið og yður mun gefast. Fyrirheit Guðs eru lykillinn að fjárhirslu himnaríkis. Vegur til farsældar (Sjá lýsingu í neðangreindum texta.)Vegur til farsældar er óvenjulegt dagatal því í því birtast eingöngu mánaðardagarnir, óháðir ártali. Það inniheldur kjarnmikinn og jákvæðan boðskap sem boðar sterkari tengsl við fjölskylduna, vini og samferðamenn. Þetta er boðskapur sem leiðir hugann að lausn vandamála og kallar fram nánari athugun á sjónarmiðum annarra. Textanum fylgja ljósmyndir úr náttúrunni og hinu daglega lífi

Lykill dagsins - Vegur til farsældar

Stórar sálir eru oft þær sem hafa orðið fyrir mikilli sorg en neitað að gefast upp. Vegur til farsældar 

Lykill að góðum og farsælum degi...

Ef þú vilt eiga hlutdeild í frægðinni þarftu líka að geta tekið aðfinnslunum. Vegur til farsældar

Hestar og heilsa...Verðugt verkefni...

Hestamennskan hefur alltaf verið mér kær eins og ég segja sjálf frá í kaflabroti af sjálfri mér í byrjun bloggskífa minna á síðastliðnu ári.

Eins og ég sjálf skýri frá þá lagði ég hestamennskuna á hilluna í þrjá áratugi vegna köllunar til andlegra starfa, að hjálpa einstaklingum að takast á við lífið á jákvæðan og drífandi hátt með kærleika Guðs að leiðarljósi. 

Fyrir ári síðan eignaðist ég hest sem ég hef mikið yndi af og nota til endurhæfingar af heilsufarsástæðum sem er mér ómetanleg hollusta hvað varðar andlegan og líkamlegan styrk og hef nú þegar farið í tvær hestferðir í sumar og líður aldrei betur á sál og líkama. 

Guðbjörg og Andrew og hryssan mín Efling. 

Væri þetta ekki verðugt verkefni til endurhæfingar og heilsubótar? Það væri gaman að vita.

 

 

 

 

 

 

 

Á hestbaki efir langt hlé úr hestmennskunni.

Fór mér hægt í byrjun en mikið langaði mig að láta gamminn geisa.  

 

Gullmolar...

Guð hefur gefið okkur tvær hendur, aðra til að taka á móti en hina til að gefa.

Það felst mikil farsæld í því að bera með sér gjafmildan huga og vilja gjöra öðrum gott en til þess að vel fari en til þess þarf að hafa stefnu sem fólk kann að meta og virða. Hvernig væri að innleiða þá hugsjón inn í þjóðarsálina, þau kristilegu gildi sem alltaf eru til staðar innra með okkur í hugarfylgsnunum en verða einungis að veruleika með því að láta gott af sér leiða og láta verkin tala. Það eru litlu hlutirnir sem skipta svo miklu máli hvað við gerum hverju sinni sem geta skipt sköpum og breytt döprum degi í sólskinsdag. 

Guðbjörg Sigurðardóttir 

 

Hvað velur þú?

 

Mörgum mun koma það á óvart þegar þeir koma til himna og sjá hversu mikilvægt það er að gefa af sér ástúð og kærleika, hinar földu, óséðu athafnir sem skipta meira máli þegar til lendar lætur, en hlutirnir sem blasa við okkur á hverri stundu allan daginn. 

Þetta er dagur vals.

Þetta er dagur áskorunar.

Þetta er dagurinn sem Ég segi til allra Minna barna:

Hversu langt nær kærleikur þinn?

Hversu langt hugsarðu til annarra?

Hversu mikið gefurðu af sjálfum þér?

Hversu tilbúinn ertu að láta af eigin áformum og því sem þú þarft að gera til að huga að öðrum sem þurfa á ást þinni og kærleika að halda? 

Ég hef engin augu nema þín augu, engar varir nema þínar varir, engar hendur nema þínar hendur.

Mikið af þeirri ást og hlýju sem ég auðsýni öðrum fá aðeins að njóta sín í verkum og gjörðum annarra.

Mikið af kærleika Mínum og þægilegheitum verður best deilt með öðrum fyrir tilverknað annarra.

Kærleikur Minn endurspeglast best í þínum verkum. 

Þýðandi: Guðbjörg Sigurðardóttir  

Með leyfi  Aurora Productions

í morgunsárið...

Sjá mynd dagsins á blogginu mínu ásamt texta á Ensku sem mér finnst gott að styðjast við og íhuga þegar ég byrja nýjan og ferskan dag, næra hugann jákvæðum og hvetjandi hugsunum sem styrkja sálarþrekið á annasömum degi að þetta hjálpi og vilji einhver senda mér línu á bloggið mitt er það velkomið.
Með kærri kveðju,
Guðbjörg

I can endure for this minute whatever is happening to me,No matter how heave my heart is, or how dark the moment may be,If I can remain calm and quiet, with all my world crashing about me,Secure in the knowledge God loves me when everyone else seems to doubt me.If I can but keep on believing what I know in my heart to be true,That darkness will fade with the morning and that this will pass away, too.Then nothing in life can defeat me, for as long as this knowledge remains.I can suffer whatever is happening, for I know God will break al the chains.That are binding me tight in the darkness, and trying to fill me with fear.for there is not night without dawning and I know that my morning is near.  

Höfundur ókunnur  

Keppnisskap...

Bensíngjöfin og bremsan.

Eftir Tom Hack

 Ég hef ekki alltaf verið sá auðveldasti til að vinna með. Í raun þá hefur sumt fólk haft álíka mikinn áhuga á að vinna með mér eins og að eiga broddgölt fyrir gæludýr. 

 Hluti af vandamálinu var mitt mikla keppnisskap og ég skal gefa þér sýnishorn af því hvernig það gróf undan samskiptum mínum við vinnufélagana. Ég deildi stjórnunarábyrgð með orkumiklum samstarfsmanni. Paul var snöggur að hugsa, kvikur í hreyfingum, var mjög skipulagður og kom miklu í verk á einum degi en ég var hinsvegar hægari, varkárari og meira fyrir að greina hlutina. Ég var vanur að segja, "ég er bara með tvo gíra - hægt og afturábak". Þegar ég vann með Paul fannst mér ég alltaf vera skrefi á eftir og það æsti upp í mér samkeppnisandann. Ég ákvað fljótt að ég mundi gera betur en Paul á öllum sviðum. Ef hann ætlaði að mæta hálftíma fyrir í vinnuna til að ná smá forskoti á daginn þá ætlaði ég að mæta klukkutíma fyrr til að ná forskoti á hann. Ef að hann ætlaði að einbeita sér að ákveðnu vandamáli þá var ég búinn að stúdera það frá öllum mögulegum sjónarhornum. Nú þetta eyðilagði ávinninginn af því að vinna saman.

Ég bað fyrir þessu og Jesús gaf mér litla líkingu. Hann sagði mér að við værum eins og bíll og minnti mig á að bíllinn þarf bæði að hafa bremsur og bensíngjöf. Ef hann hefði bara bensíngjöf þá mundi hann lenda útaf í fyrsta skiptið sem hann kæmi í beygju og færi aðeins of hratt. Ef hann hefði bara bremsur þá kæmist hann aldrei neitt. Til þess að komast áfram og halda sig á veginum þarf hann bæði bensíngjöf og bremsur sem vinna saman í jafnvægi.

 Hvað þetta þýddi var alveg ljóst fyrir mér. Í fyrsta lagi þá þurfti ég að gera mér grein fyrir því að það sem ég áleit vera persónulegan veikleika var í raun styrkur. Sú staðreynd að ég gekk hægar til dæmis hjálpaði okkur sem stjórnunarteymi til að vera heildsteyptara og að hugsa og biðja hlutina í gegn áður en við framkvæmdum þá. Í öðru lagi, í stað þess að sjá styrkleika annarra sem ógnun og fara í samkeppni við þá, þá þurfti ég að læra að leyfa öðrum að vinna að því sem þeir skörðuðu framúr í og reyna að nýta mína styrkleika til að styrkja þeirra en frekar. 

Ánægjulegi endirinn er að ég breytti hugsunarhætti mínum og Paul og ég héldum áfram að vinna vel saman. Ég er aðeins reyndari núna og lífsreglan mín, "ekki samkeppni" hefur reynst mér vel í alls konar samböndum. 

 

Leitið innri friðar...

Ég las neðangreinda frásögn um það að "vera kyrr" með öðrum orðum sálrænt jafnvægi þar sem átt er við innri frið og ró. Það er mín skoðun að slíkt hugarástand sé af andlegum toga spunnið og tilheyri guðdómleikanum. Það sé til æðri máttur, leiðari þessarar friðar sem hægt er að tileinka sér, hagnýta og virkja til að vinna gegn streitu. Það er mín reynsla að til þess að ná andlegri ró þurfum við að læra að slaka á af sál og líkama til að losa um álagið en til þess þarf ásetning og staðfestu að gefa sér tíma að okkar andlega þrek skipti okkur meira máli en nokkuð annað sem lífið hefur upp á að bjóða. Hin sönnu farsælu verðmæti sem í raun og veru skipta okkur mestu máli varandi það sem koma skal.

Guðbjörg Sigurðardóttir

“Verið kyrrir.”

Höfundur Virginia Brandt Berg

“Verið kyrrir og viðurkennið að ég er Guð.” (Sálmarnir 46:10) Drottinn notaði einu sinni þetta Biblíuvers til þess að leggja áherslu á lífsnauðsynlega lexíu sem og að sýna fram á getu sína til þess að veita sérstaka bráða leiðsögn þegar við hlustum á hann í bæn. Ég þurfti að ná sambandi við konu sem ég hafði ekki heimilisfangið hjá og mig bráðvantaði það. Ég var heltekin kvíða. Mér fannst eins og ég myndi molna í bita ef ég kæmi ekki skilaboðum til hennar. Þegar ég bað varðandi það hvað gera skyldi, kom til mín umorðuð setning úr Ritningunni: Vertu bara hljóð. Þegi þú og viðurkenndu að ég er Guð. Þegar ég settist niður, róaðist ég og bað Drottin um að koma í veg fyrir stórslys. Hann talaði til hjartans: Þú skalt aðeins skrifa á blað og fara með það í íbúðina sem hún bjó í áður. Kannski hefur hún ástæðu til þess að fara aftur á staðinn eða að einhver sem þekkir hana veit hvert hún flutti og sendir henni skilaboðin frá þér og segir henni að hafa samband við þig. Þannig að ég skrifaði skilaboðin og fór yfir í íbúðina að skilja þau eftir. Um leið og ég kom þangað með skilaboðin í hendinni, kom þá ekki manneskjan sem ég vildi ná sambandi við en gat ekki! Er ekki dásamlegt hvernig Guð getur leyst úr málum? Ég lærði þá að eins og segir í Guðs Orði “styrkur minn er að vera kyrr” (Jesaja 30:7) Í hinu brjálæðislega kapphlaupi sem nútímalíf er orðið að höfum við jafnvel enn meiri þörf fyrir hina guðdómlegu kyrrð, að baða sálu okkar í þögn. Aðeins þegar andi okkar og hugur er hljóður og kyrrlátur getum við kynnst Guði. “Verið kyrrir og viðurkennið að ég er Guð.” Hvernig leiddi kyrrðin til þess að ég “viðurkenndi að hann er Guð?” Það að hann skyldi svara bæninni á hátt sem er kraftaverk, sýndi fram á þann dásamlega sannleik að hann er Guð. Margt fólk er haldið þeirri villu að kyrrðin í Biblíuversinu eigi við einhvers konar hamda spennu, æfða sjálfsstjórn og að fólk geti kæft kvíða á einhvern hátt. Kannski er það þess megnugt en ef það getur það er það aðeins á yfirborðinu; hið innra er það sjóðandi vökvi. Það er ekki þannig ró sem við eigum við! Kyrrð Guðs er ekki aðeins skortur á virkni. Hún er ósvikin kyrrð andans sem leiðir til skýrrar hugsunar og í þeirri kyrrð kynnumst við vilja og áætlun Guðs. Ég þekki af eigin reynslu að guðdómleg kyrrð hlýst oft af erfiðleikum og prófraunum. Hvernig má það vera? Erfiðleikar og prófraunir yfirbuga sálina og þjáningar gera sálina hógværa. Ert þú að upplifa erfiða tíma einmitt núna? Þá skaltu vera hljóður og kyrr frammi fyrir Drottni og hann mun sýna þér hvernig vinna á sætleika úr þeim vanda. Hann mun kenna þér dásamlega lexíur sem dregnar eru af vandanum, en þú verður að vera hljóður. Það er í þeirri sætu, kyrru helgun sem hann getur talað til hjarta þíns. Hvað á hinn trúaði að gera á stundu myrkursins? Sitja kyrr og hlusta. Lát hann treysta í Drottins nafni og reiða sig á Guð sinn. Láta hann aðeins sitja kyrran eins og Ritningin segir – vertu kyrr og hlustaðu. Það fyrsta sem gera skal er að gera ekkert, að standa kyrr. Það fer gegn mannlegu eðli en það er viturlegt. Orðtakið segir: “Þegar þú ert skekinn, flýt þér eigi.” Með öðrum orðum þegar þú veist ekki hvað gera skal skaltu ekki flýta þér í blindni að gera eitthvað í von um að allt reddist. Stundum hef ég anað út í andlega þoku og mig hefur langað svo mikið að gera eitthvað af eigin afli. Mér hefur fundist ég þurfa að greiða úr flæktum vírum eða finna lausn á vandamáli, að ég yrði að aðhafast eitthvað. Mannlegum mætti mínum fannst hann þurfa að flýta sér og sjá um vandamálið. En ég hef komist að því að þótt mannlegur máttur hjálpi eitthvað til er miklu betra að festa bátinn og láta hann rugga á leguplássinu um tíma og treysta Guði einfaldlega! Vertu kyrr og sjáðu hvað Guð vill gera. Það er þegar við erum hljóð og reiðum okkur á hann að hann getur starfað. Áhyggjur koma oft í veg fyrir að hann geri allt sem hann megnar. Ef við erum annars hugar og hjarta okkar haldið streitu, erum við ekki í þeirri stöðu að hann geti orðið okkur að liði. Friður Guðs þarf að róa hugi okkar og friða hjörtu okkar. Leggðu höndina í lófa Guðs og láttu hann leiða þig út í bjart sólskin elsku sinnar. Vertu kyrr. Láttu hann vinna fyrir þig. “Verið ekki hugsjúkir um neitt, heldur gjörið í öllum hlutum óskir yðar kunnar Guði með bæn og beiðni og þakkargjörð.” – með því að vera kyrrir frammi fyrir Guði – “og friður Guðs sem er æðri öllum skilningi mun varðveita hjörtu yðar í Kristi Jesú.” (Filippíbréfið 4:6-7)

Hin varanlegu gildi...

Til míns ástkæra vinar! Ég elska þig og dái. Það er allt of sumt. Það skiptir engu máli hvað þú hafir gert, ást mín er skilyrðislaus.

Ég þekki þann eilífa, lifandi anda sem býr innra með þér. Dvalarstaður þinn er jörðin, þar býrð þú og lifir þínu lífi, tekur þí

nar eigin ákvarðanir og reynir að fremsta megni að vera góður samfélagsþegn. Ég skil þetta vel því það þarf hafa fyrir lífinu, sjá fyrir sér og sínum. En þetta væri miklu auðveldara ef þú lærðir að tengjast Mér. Þótt þú haldir áfram að lifa, eldast og síðan deyir er andinn stöðuglega ungur. Hann deyr aldrei. Þín eiginlega persóna, þúið sem við við köllum það sem á sér stað í líma þínum, lifir að eilífu. Þess vegna er ekki gott að sækjast eftir efnislægum verðmætum fram yfir hin andlegu gæði því það mun koma sá dagur að við þurfum að skilja við þetta allt. Það sem ætti í raun og veru að skipta okkur mestu máli eru hin andlegu gæði eins og kærleikur, góðvild, miskunnsemi, skilningur og gjafmildi. Þetta er það sem 

gefur lífi þínu gildi, hversu sterkur þú ert andlega, hinn eignlegi auður.Þegar að því kemur að þú kveður þennan heim, skipta andleg verðmæti mestu máli, hvernig þú hefur lifað og ko

mi

ð fram við aðra. Láttu gott af þér leiða. Sýndu kærleika í verki. Vertu umhyggjusamur. Elskaðu fjölskyldu þína. Láttu þér þykja vænt um vini þína. Vertu elskulegur við nágranna þína. Vertu vingjarnlegur við þá sem þú hittir. Vertu miskunnsamur, vingjarnlegur og samúðarfullur. Með því að miðla kærleikanum ertu að sýna öðrum hver ÉG er. Því ÉG, Guð, er kærleikurinn og ÉG elska þig. MIG langar að búa með þér að eilífu.Þegar þú kemur að leiðarlokum lífsins, þarftu að fá lykilinn að heimilinu MÍNU til að fá að komast inn á þann stað þar sem kærleikurinn ríkir. En þú þarft ekki að vinna fyrir lyklinum, heldur réttir bara út h

önd þína og ÉG afhendi þér hann strax. Lykillinn er sonur minn, Jesú. Ég rétti þér lykilinn og segi; ,,Þú mátt eiga hann af því ég elska þig.”Það má líkja þessu við að ÉG sé að bjóða þér lykilinn að hvelfingu fjársóðar MÍNS og segi við þig: ,,Þú átt þetta vegna þess að ÉG elska þig. Með þessum lykli getur þú opnað hvelfinguna og fundið hana fulla af fjársjóði.Taktu við lyklinum. Lykillinn er aðgangur þinn að búa hjá MÉR að eilífu. Segðu einfaldlega: ,,Guð, ég vil taka við lífslyklinum þínum. Ég tek á móti syni þínum Jesú, sem er lykillinn. Ég tek á móti lyklinum, ég vil fá hann.” Þessi lykill mun þá verða þinn að eilífu.Ég elska þig, þú ert barnið MITT og ÉG gef þér lykilinn að sjóði MÍNUM, l

ykilinn sem gerir þér kleift að lifa að eilífu. Þú átt hann ef þú tekur við honum.Með Kærleikskveðju,

þinn himneski Faðir

Dagsljóminn...

Krafturinn á bak við guðdómleikann.

Það er einhver til staðar sem skilur þig, hugsanir þínar, tilfinningar, gleði og sorgir og vill taka þátt í þinni innri baráttu, löngunum og vonum. 

Kærleikur í verki...

Það eru til margar leiðir sem hægt er að sýna öðrum elskusemi og jákvæð viðhorf. Það er hægt að gefa frá sér hlýja kveðju í staðinn fyrir kuldalegt viðmót. Gefðu þér tíma til að svara spurningum annarra, þolinmóður og hreinskilinn í stað þess að flýta sér stressfullur á sífeldum þeytingi án þess að láta sig varða um tilfinningar annarra. Það er svo margt sem hægt er að gera til að láta öðrum líða vel í návist þinni, að þeim finnist þeir skipta þig máli. Gefðu þér tíma til að tala við þá í stað þess að vera alltaf gera eitthvað svo mikilvægt að það megi ekki bíða. Láttu þig virka jákvætt á aðra, hlýr og notalegur í viðmóti, þolinmóður og alltaf reiðubúinn að fyrirgefa misbresti þeirra, mannlega þáttinn í okkur öllum sem við fæðumst með og þurfum sífellt að takast á við. Gefðu öðrum af tíma þínum með því staldra við og hlusta á þá, tala um hlutina og létta af sér. Réttu öðrum hjálparhönd og vertu tillitssamur í fari og framkomu! Allt þetta Kærleikurinn að verki.

Texti þýddur úr Ensku.

 

 

Bjartur árdagsljómi...mögnuð mynd.

Fannst þessi mynd alveg mögnuð til að byrja daginn í góðum gír, með hressa lund og bjartsýnn þrátt fyrir myrkur skammdegisins.

En það birtir upp um síður bæði í stjórnmálum sem öðru og áður en langt um líður hækkar sól á himni og það verður gleði í stað vonbrigða, lausnir í stað vandamála hver sem þau nú eru, stór eða smá þegar við setjum traust okkar á æðri máttarvöld, almættið sjálft, hinn eilífa lausnargjafa sem aldrei fellur úr gildi og bregst aldrei. Já, hvers vegna ekki? 

Gata réttlátra er eins og bjartur árdagsljómi, segja Orðskviðirnir 4:18

 

 

Morgunþankar...

"Mistök kenna okkur meira en velgengni. Þau kenna okkur visku og auðmýkt, tvær auðlindir sem vert er að sækjast eftir og virkja." Vegur til farsældar

En til þess þarf hugrekki og dirfsku að þora að klífa tindinn og taka ákvarðanir þrátt fyrir gagnrýni og mótlæti. Stórhuginn heldur ótrauður áfram og lætur ekki haggast þrátt fyrir mótbyrinn, því hann býr yfir innra öryggi og getu sem hann hefur öðlast við þá dýrmætu reynslu að takast á við erfið mál og láta ekki bugast. Allt veltur þetta á viðhorfunum okkar, hvernig við bregðumst við hlutunum og tökum á þeim, þar á meðal litlu ákvörðunum sem við stöndum frammi fyrir daginn út og daginn inn allt lífið út. Þetta getur verið erfið lífsreynsla en þegar uppi er staðið og við stöndum frammi fyrir stórum ákvörðunum reynast þær okkur auðveldur leikur. Við verðum að hafa framtíðarsýn til að drífa okkur áfram í gegnum erfðina tíma framundan, vera jákvæð í viðmóti við aðra og deila með okkur gleði því það muni birta upp um síðir. Lífið er ekki einungis dans á rósum, það hefur líka þyrna. 

Guðbjörg Sigurðardóttir